ஹோட்டலில் அமலாபால் ரகளை...!

மைனா படம்மூலம் பிரபலமான நடிகை அமலாபால் தொடர்ந்து தெய்வத்திருமகள், முப்பொழுதும் உன் கற்பனைகள் உள்ளிட்ட படங்களில் நடித்தார். சமீபத்தில் வெளிநாட்டில் நடந்த திரைப்பட விருது வழங்கும் விழாவில் நடனம் ஆட அமலாபாலை அழைத்து சென்றுள்ளனர். இதற்காக அமலாபாலுக்கு நட்சத்திர ஹோட்டலில் தனியாக ரூம் கொடுத்து தங்க வைக்கப்பட்டார். விழா துவங்கியதும் அமலாபாலை நடனமாட அழைத்துள்ளனர் விழாக்குழுவினர். ஆனால் வர மறுத்துவி்ட்டாராம். காரணம், கேட்டதற்கு, பேசியபடி அவருக்கு முழு சம்பளத்தையும் விழாக்குழுவினர் கொடுக்கவில்லையாம். இதனால் விழாக்குழுவினருடன் ரகளையில் ஈடுபட்டுள்ளார். பேசியபடி முழுத்தொகையை கொடுத்தால் ஆட வருகிறேன் என்று ஆவேசமாய் கத்தியுள்ளார். ஆனால் இதனை விழாக்குழுவினர் மறுத்துள்ளார். அவர்கள் கூறும்போது சம்பளத்துக்காக அவர் தகராறு செய்யவில்லை. விமான டிக்கெட் எடுத்து கொடுக்கும் பிரச்னையில் தான் அவர் சண்டை போட்டார் என்று கூறியுள்ளனர்.

வில்லன் வேடத்திற்கு தயாராகும் ஷக்தி!

சின்னதம்பி படத்தில் குழந்தை நட்சத்திரமாய் சினிமாவில் அறிமுகமாகி, பின்னர் ‌தனது அப்பா பி.வாசு டைரக்ஷ்னில் தொட்டால் பூ மலரும் படத்தின் மூலம் ஹீரோவாக அறிமுகமானவர் நடி‌கர் ஷக்தி. தொடர்ந்து சிவா மனசுல் சக்தி, தொட்டால் பூ மலரும் உள்ளிட்ட பல படங்களில் நடித்தார். இருந்தும் அவரால் இன்னும் முழுமையாக ஒரு ஹிட் படத்தை கூட கொடுக்கவில்லை. அதனால் இப்போது வில்லன் வேடங்கள் மீது ஷக்தியின் கவனம் திரும்பியுள்ளது. விஜய், அஜித் போன்ற முன்னணி ஹீரோக்களின் படங்களில், வில்லன் வேடம் கிடைத்தால் சவாலாக ஏற்று நடிக்க தயாராகி விட்டதாக சொல்லியுள்ளார்.
காமெடி வில்லன்

முகமூடி படம் மூலம் ஜீவா என்ற தம்பி கிடைத்திருக்கிறான்! மிஷ்கின் பெருமிதம்!! (Trailer attached)

முகமூடி படம் மூலம் ஜீவா என்ற தம்பி எனக்கு கிடைத்திருக்கிறான், அவனை பெற்றெடுத்த ஆர்.பி.சவுத்ரிக்கு என் நன்றிகள் என்று பெருமிதம் கொண்டுள்ளார் டைரக்டர் மிஷ்கின். மிஷ்கின் இயக்கத்தில், ஜீவா நடித்துள்ள புதிய படம் முகமூடி. இப்படத்தில் ஜீவா சூப்பர்மேனாக நடித்துள்ளார். ஹீரோயினாக பூஜா ஹெக்டே நடித்துள்ளார். யு.டி.வி., இப்படத்தை பிரம்மாண்ட முறையில் தயாரித்துள்ளது. இப்படத்தின் டிரைலர் வெளியீட்டு விழா சென்னையில் நடந்தது.


விழாவில் பேசிய டைரக்டர் மிஷ்கின், முகமூடி என்னுடைய கனவு படம். நான் குழந்தையாக இருக்கும்போது எனக்குள் தோன்றிய கதை இது. இப்படத்தில் ஜீவா சூப்பர்மேனாக நடித்துள்ளார். இதற்காக ஹாங்காங்கில் இருந்து பிரத்யேகமாக உடை வரவழைக்கப்பட்டது. அந்த உடையை 2 நிமிடத்துக்கு மேல் யாரும் அணிய முடியாது. கழற்றும்போது, புகை வரும். ஆனால் ஜீவா தொடர்ந்து அந்த உடையை 90 நாட்கள் அணிந்திருந்தான். முதன்முதலாக அவனிடம் இந்த உடையை கொடுக்கும்போது, ``ஜீவா கடுப்பாகி திட்டப்போகிறான், ஜாக்கிரதை என்று என் உதவி டைரக்டர்களிடம் சொன்னேன். ஆனால், அவன் திட்டவில்லை. டைரக்ஷ்ன் செய்வது ரொம்ப ஈஸி, ஆனால் உலகிலேயே ரொம்ப கஷ்டமானது நடிப்பது தான். ஏனென்றால் நானும் ஒரு படத்தில் ஹீரோவாக நடித்துள்ளேன். அந்த அனுபவத்தில் சொல்கிறேன். முகமூடி படம் மூலம் ஜீவா என்ற நல்ல தம்பி கிடைத்து இருக்கிறான். இதற்காக ஆர்.பி.சவுத்ரிக்கு எனது நன்றிகள் என்றார். 

ஷங்கர் படத்திலிருந்து சமந்தா விலகல்...!

கோலிவுட்டில் ஒரு பெரிய நடிகையாக சமந்தா வலம் வருவார் என்று எதிர்பார்த்தால், இப்போது அது நடக்காது போல தெரிகிறது. தேடி வரும் நல்ல வாய்ப்புகளையெல்லாம் தக்க வைத்து கொள்ள முடியாத நடிகையாகிவிட்டார். சமீபத்தில் மணிரத்னத்தின் கடல் படத்திலிருந்து விலகிய சமந்தா, இப்போது ஷங்கர் இயக்கத்தில், விக்ரம் நடிப்பில் உருவாக உள்ள ஐ படத்திலிருந்தும் விலகப்போவதாக தகவல் வெளியாகியுள்ளது. 


சமந்தாவுக்கு சருமத்தில் சில பிரச்னைகள் இருப்பதாகவும், அதற்காக அவர் சிகிச்சை மேற்கொள்ள இருப்பதாகவும், சிகிச்சைக்கு பின்னர் 3 மாத காலத்திற்கு சூரிய வெளிச்சத்திலோ, படப்பிடிப்புக்கு பயன்படுத்தப்படும் பெரிய விளக்குகள் அருகிலோ நிற்க கூடாது என்று டாக்டர்கள் தெரிவித்து இருப்பதா‌லேயே ஐ படத்தில் இருந்து விலகியதாக கூறப்படுகிறது. 


இதனிடையே சமந்தாவுக்கு பதில் மதராசப்பட்டினம் புகழ் எமி ஜாக்சனை நடிக்க வைக்க ஷங்கர் ஆலோசித்து வருவதாகவும், மேலும் எமியுடன் இன்னொரு நடிகையாக பிரபல பாலிவுட் நடிகை ஒருவரையும் நடிக்க வைக்க தீவிர முயற்சி மேற்கொண்டு வருவதாகவும் கூறப்படுகிறது.

ஓவியா காதலிக்கவில்‌லை! - காதல் கிசுகிசு

தன்னை பற்றி வரும் காதல் கிசுகிசுகளை நம்ப வேண்டாம் என்றும், தான் யாரையும் காதலிக்கவில்லை என்றும் நடிகை ஓவியா கூறியுள்ளார். களவாணி படம் மூலம் தமிழ் சினிமாவில் அறிமுகமானவர் நடிகை ஓவியா. தொடர்ந்து மன்மதன் அம்பு, முத்துக்கு முத்தாக, மெரினா, கலகலப்பு போன்ற படங்களில் நடித்துள்ளார். இதுதவிர தமிழில் சில்லுன்னு ஒரு சந்திப்பு உள்ளிட்ட படங்களிலும், தமிழ் தவிர வேறு மொழியிலும் பிஸியாக நடித்து வருகிறார். கேரளாவை சேர்ந்தவரான இவருக்கும் அங்குள்ள தொழில் அதிபர் ஒருவருக்கும் காதல் என்றும், அவரை ஓவியா திருமணம் செய்ய இருப்பதாகவும் கிசுகிசுக்கள் பரவியது. ஆனால் இதனை ஓவியா முழுவதுமாக மறுத்துள்ளார். 


இதுகுறித்து அவர் கூறியுள்ளதாவது, சினிமாவில் இப்போது தான் படிப்படியாக முன்னேறி ஒரு நல்ல நிலைக்கு வந்து கொண்டு இருக்கிறேன். அதற்குள் நான் காதல் வயப்பட்டுள்ளேன் என்றெல்லாம் செய்திகள் வருகிறது. நான் யாரையும் காதலிக்கவில்லை. அதற்கான நேரமும் என்னிடம் இல்லை. அவ்வளவு பிஸியாக சினிமாவில் நடித்து கொண்டு இருக்கிறேன். இப்போதைக்கு எனது சிந்தனையெல்லாம் சினிமா பற்றியது தான். திருமணத்தை பற்றி யோசித்து கூட பார்த்ததில்லை என்று கூறியுள்ளார். 

அவதாரின் அடுத்த பாகங்களை இயக்குகிறார் ஜேம்ஸ் கேமரூன்

பிரபல ஹாலிவுட் இயக்குனர் ஜேம்ஸ் கேமரூன் இயக்கத்தில் வெளிவந்து உலகமெங்கும் வெற்றி பெற்ற படம் அவதார்.

பண்டோரா கிரகவாசிகளுக்கும், மனிதர்களுக்கும் இடையேயான சண்டையே இப்படத்தின் ஒருவரிக் கதையாகும்.

அந்தரத்தில் பறக்கும் மலைகள், பண்டோரா அதிசய மனிதர்கள், 3டி தொழில் நுட்பம், டிஜிட்டல் தொழில் நுட்பம், காட்சியமைப்பு, ஆர்ட் டைரக்ஷன், கம்ப்யூட்டர் கிராபிக்ஸ் என அனைத்து வகையிலும் அவதார் படத்தை பிரமாண்டமாக எடுத்திருந்தார் ஜேம்ஸ் கேமரூன்.

இப்படம் உலகமெங்கும் வெற்றி பெற்றதை அடுத்து விரைவில் இப்படத்தின் இரண்டாவது மற்றும் மூன்றாவது பாகங்களை திரைப்படமாக எடுக்க இருக்கிறாராம்.

இவர் ஏற்கனவே டைட்டானிக் படத்தையும் டெர்மினேட்டர் வெர்சஸ் ஏலியன்ஸ் உள்ளிட்ட மெஹா ஹிட் ஹாலிவுட் படங்களை இயக்கியிருக்கிறார்.

இது குறித்து ஜேம்ஸ் கேமரூன் கூறுகையில், அவதார் படத்தின் அடுத்தடுத்த பாகங்களை எடுக்க இருக்கிறேன். அவதார் 2, அவதார் 3 ஏன் அவதார் 4 கூட எடுக்கலாம்.

இதற்காக தனியே திரைக்கதை எழுதத் தேவையில்லை. அவதார் படத்தின் நிலப்பரப்பு ஒன்றே போதும். அதை வைத்தே இப்படத்தின் அடுத்தடுத்த பாகங்களை இயக்கலாம். அந்தளவிற்கு அதில் விஷயம் உள்ளது என்று தெரிவித்துள்ளார்.

படுக்கை அறைக் காட்சிக்காக அமெரிக்கா செல்லும் வித்யாபாலன்…!!

தி டர்ட்டி பிக்சரில் ஏக கவர்ச்சி காட்டி நிறைய பேர் மனசை ‘அழுக்காக்கிய’ வித்யா பாலன் மீண்டும் ஒரு முறை அதைவிட கவர்ச்சியாக ஒரு படத்தில் தோன்றப் போகிறார்.

படத்தின் பெயர் ‘கஞ்சக்கர்’. பேச்சு வழக்கு இந்தியில் இதற்கு ‘லூசு’ என்று அர்த்தம்!

இந்த லூசு படத்தில் சாதாரண மனைவி வேடத்தில் வரும் வித்யா, சில படுக்கையறைக் காட்சிகளில் படு செக்ஸியாக தோன்ற வேண்டியுள்ளதாம். இந்தக் காட்சிகளில் அவரது தோற்றம் பார்ப்பவர்களை உசுப்பேற்றும் விதமாக இருக்க வேண்டும் என்று இயக்குநர் விரும்புகிறாராம்.

இதற்காக அவர் அமெரிக்காவுக்குப் போய் ஸ்பெஷல் ஸ்கின் ட்ரீட்மெண்ட் எடுக்கப் போகிறாராம். அதன்பிறகுதான் அந்தக் காட்சியில் நடிப்பாராம்!

இதுகுறித்து இயக்குநர் ராஜ்குமார் குப்தா கூறுகையில், “ஆமாம்.. வித்யா பாலன் இதுவரை எந்த நடிகையும் செய்யாத அளவுக்கு கவர்ச்சியாகவும் துணிச்சலாகவும் தோன்றப் போகிறார். இதற்காகத்தான் அவரை அமெரிக்கா அல்லது பிரிட்டனுக்கு அனுப்பவிருக்கிறோம்,” என்றார்.

அப்படியென்ன புரட்சி வேடம்…?!